Mentama Kabongian
 |
| Canva |
Messaile kanan, pare mariri sitondon allo
Messaile kiri, padang dalle silajuan malolo
Manggiri angin mentama kabongian
Macakke lino sitammu kabu allo
Mentamai
kabongian,
Sirempun-rempun
tau tama bola
Sipakario sipangrupa-rupa
tau
Metawa lakpah
siampan kandoa nasu
Tekda penassan
lako pura lakpah
Buda rupanna bale jio pebak
Tekda melo dinasu cemba
Buda rupanna tau masipak
Malillin penawa kasumpuan kada
Mentamai
kabongian,
Jangkarre noni
makkelong-kelong
Sisulle-sulle lako
baruga meong
Eda issen
battoanan na pau
Sisala lakokna kadanna tau
Anggi mareso menassan penawa
Sangganna rupa punnana ponglatakla
Massumbajang bongi sangsuranna dallek
Metakda rampa sampunna kakassingan
Mentama kabongian
situruk malillin padang
Mentamai
kakassingan lako padang lino
Anggi marecu lako padanta tau
Dikua den mentau tonganna tau
Ratu jiomai litak, kumande jiomai litak, pole mentama litak!
